Les mots surlignés font l'objet d'une note
1Reçue à Grenoble, le 16 mars 1573.
2Monseigneur, la letre qu’il vous pleut m’escrire me commandant
3de m’arrester an Daulphiné, je la receues, ensemble une de monsieur
4de Rosset, le XXVIIIe du passé, ayant passé deux lieux dedeça Villeneufve
5d’Avignon, tellement que je n’euz moyen de suyvre vos commandementz
6à mon grand regret ; mesmement despuys que j’ay esté an ce camp
7où je arrivay vandredy dernier VIe du passé, aiant assez de contantement
8de monsegneur le mareschal pour regard de ma compaignie pour laquelle
9si je ne me trouvoys angaigé de despence comme je suys pourveu
10à ung autre car je voys bien que je seray an ce pays comme l’asne
12qui porteray le travail et autre aura le proffit. Parquoy
13monseigneur, je vous suplie très humblement avoir souvenance de
14moy et comander s’il vous plait que l’argent de mon payement
15ne passe pas le jour et qu’autre que moy ne le manie an ou
16payer autrement vous verrez bien tost ruyne un qui vous est
17et sera toute sa vie très humble et affectionné serviteur. Je ne
18vous escriray rien des affèrez de ce camp pour ce qu’on n’y fet aulcune
19chose despuys le dernier assaut donné que fut le IIIme du present. On tient
20qu’ilz sont an necessité de poudre pour les arquebuziers comme ilz monstrent
21par effet ne tirant gueyerez de leur muraille. Monsieur de Deaux mon
22beau frère vous dira le reste qu’il y a veu, lequel vous croyrez s’il
23vous plait de ce qu’il vous dira de moy, et je suplieray Nostre
24Seigneur,
25Monseigneur, vous donner an perfète santé, très longue et très heureuse
26Vie. Du camp prez Sommieres, ce IXe de mars.
27Monseigneur le XXVIIe du passé,je fy ma monstre au
28Sauzet ancor que votre commandement porta de la fère à Pierrelate.
29Messieurs le comissere et conterolleur craignant de
30faillir le cappitaine Aleret, firent ma monstre au Sauzet et
31pour ce rancontrer les deux datez du mesme temps la layssèrent
32an blanc, chose laquelle je na voudrois advenir à mon
33domaige. Parquoy monseigneur, je vous suplie très humblement avoir souvenance de moy.
34Vostre très humble et
35très obeissant serviteur
36A de Sainct Auban